முகில்கள் துறவு பூண்ட நீலவானம்
முகில்கள் துறவுபூண்ட நீலவானத்தை
ரசித்திட அவன் கவிஞன் இல்லை உழவன்
அவனுக்கு
வானம் என்றால் மழை !
----இலக்கணம் சாரா வரிகள்
முகில்கள் துறவுபூண்ட நீலவானைப் பார்த்து
ரசிக்க அவன்கவிஞன் இல்லை உழவன்
நிலமுழுது நீர்பாய்ச்சி நெல்வளர்ப் போனுக்கு
வானமென் றாலதும ழை !
---இது அளவடி இன்னிசை வெண்பா
இதை மூன்றடியில் சொல்லிப் பார்ப்போம்
முகில்கள் துறவுபூண்ட நீலவானைப் பார்த்து
ரசிக்க கவிஞனில்லை நல்லே ருழவனுக்கு
வானமென் றாலதும ழை !
----இது சிந்தியல் இன்னிசை வெண்பா
ஆர்வலர்கள் கூர்ந்து கவனிக்க . பயிற்சியாகவும் பாடமாகவும் இது அமையும்
----கவின் சாரலன்
