தேர்தல் - துளிகள்
*********
சூடான டீ
சுடச்சுட அரசியல்
தேயுது தினமும் டீக்கடை பெஞ்சுகள்!
**********
ஓட்டுக்கு நோட்டு
வாங்கியவரைப் பார்த்து
சிரிக்கிறார் காந்தி!
************
அலைமோதும் அரசியல்வாதிகள்
அமைதியாய் வாக்காளர்கள்
ஐந்தாண்டுகளுக்கு ஒருமுறை அதிசயம்!
*************
ஓட்டு கேட்கும் படலம்
ஓங்கி ஒலிக்கும் ஓலம்
பற்றி எரியும் சாதீ!
**********
கிடைத்தது கோழிப்பிரியாணி
கலைந்தது கூட்டம்
கட்சிக்கொடிகள் காலுக்கு கீழே!
***********
சந்தி சிரிக்கும் விவாதங்கள்
முந்தி வரும் ஊழல்கள்
உற்றுநோக்கும் ஊடகங்கள்!
**********
சுண்டி இழுக்கும் பிரச்சாரம்
கண்கவர் அறிவிப்பு
தள்ளாடுகிறார் நடுநிலைவாதி!
***********
கிளம்புகிறது புழுதி
ஒன்றையடி பாதையிலே நுழைய பார்க்கிறது
ஒன்பது கார்கள்!
**********
காதுகிழியும் இரைச்சல்கள்
உருவாகும் உறவுமுறைகள்
கரையுது கரையான்கள்!
**********
அநாதை பிச்சைக்காரனுக்கு கிடைத்தது
ஆளுங்கட்சி வேட்டியும்
எதிர்கட்சி துண்டும்!
************
((((வாக்களிப்பது நமது உரிமை
அனைவரும் தவறாமல் வாக்களியுங்கள்.)))
- அரவிந்த்
