தித்திக்கும்_நினைவுகள்
தித்திக்கும்_நினைவுகள்
தித்திக்கும் நினைவுகள் தெவிட்டாத நினைவுகள்
எத்திக்கு போனாலும் துரத்தும் நினைவுகள்
சொத்துக்கள் சேர்ந்தாலும் உயர்ந்ததிந்த நினைவுகள்
மழலைப்பருவ நினைவுகள் மயக்குகின்ற நினைவுகள்
கண்ணை விழித்திருந்தாலும் முன்னாலாடும் நினைவுகள்
கண்ணை மெல்லமூட உள்ளேயாடும் நினைவுகள்
கனவுக்குள் வந்துவிழும் கற்கண்டு நினைவுகள்
இனிக்கவைக்கும் வாழ்க்கையையே இன்பமான நினைவுகள்
ஊஞ்சலாக ஆடிப்போகும் தூறலாக தூறிப்போகும்
தஞ்சமாகும் இதயத்தில் தங்கமான நினைவுகள்
வானவில்லாய் மகிழ்ச்சிகொடுத்து கானம்நூறு தினமும்கொடுத்து
கோணலான நேரத்தையும் மாற்றிப்போடும் நினைவுகள்
குயில்பாட்டாய் நினைவுகள் பஞ்சுமிட்டாய் நினைவுகள்
வெயில்நேர தென்றலாக இதம்கொடுக்கும் நினைவுகள்
ரயில்கூட சத்தம்போல நம்மில்பயணிக்கும் நினைவுகள்
மயில்ஆட்டம் போடவைத்திடும் வானவில் நினைவுகள்...
