கண்ணகி பேசினால் என்ன பேசுவாள்

அன்பர்களே !

Yesterday, by an accident, I entered in to a blog "சிவகுமரன் கவிதைகள்" and in which I read his outpourings in a title "சிலம்பின் புலம்பல்". Though, I was so much impressed by his use of words, there were a lot of grammatical mistakes, removing which, I thought, would be a great service to him. I have taken every effort to retain his own words, few of which had to be either changed or modified to meet the rules of Tamil grammar, of which I am still a novice. When I tried to post this as my comment in the comments box in his blog, it did not accept the same as the words seemingly exceeded the limit provided therein. Hence I publish below the same with due credit to Thiru Siva Kumaran.

ஒரு விகற்ப இன்னிசை வெண்பா ..

பற்றுகொஞ்சம் தித்திக்கும் செந்தமிழ் மீதிருக்கத்
தொற்றியதோர் ஆசையில் முற்றிலும் யாப்புநான்
கற்பதற்குள் மற்றொருவர் சொற்றொடரில் உள்ளபிழை
உற்றுநோக்கின் குற்றமா மோ


கண்ணகி பேசினால் என்ன பேசுவாள் ?

1. கண்ணகி பேசுகிறேன் கண்ணீரால் கண்ணிரண்டும்
புண்ணாகிப் போன கதைபுலம்பித் தீர்க்கின்றேன்

2. ஆதிக்க ஆணுலகின் ஆங்காரப் போக்குகளால்
பாதிக்கப் பட்டமகள் பாடிப் புலம்புகிறேன்

3. மாசறுபொன் னென்றும் வலம்புரி முத்தென்றும்
ஆசை மொழிகேட் டறிவிழந்து நான்போனேன்

4. கட்டிய என்கணவன் கைவிட்டுப் போனபின்னும்
தட்டிக்கே ளாமல் தலைவிதியை நொந்திருந்தேன்

5. தாலிமட்டும் கட்டித் தவிக்கவிட்டுச் சென்றவனை
வாலிபமு றுக்கில் வரம்பின் றியலைந்தவனை

6. ஏனென்றோர் வார்த்தை எதிர்த்தன்று கேட்டிருந்தால்
நானென்றோச ரித்திரத் தில்இடம்மா றிப்போயிருப்பேன்

7. ஆடிய மாதவி யின்அழ கில்மனம்மயங்கி
ஓடிய கோவலனை ஓர்வார்த்தை கேட்கவில்லை

8. வேல்விழி யைமறந்து வேறொருத்தி பின்னாலே
கால்கள் தடுமாறி யென்கணவன் சென்றபோது

9. நில்லென்று ஓர்வார்த்தை நிற்கவைத்துக் கோவலனை
சொல்லொன்று தாலிக்குச் சொல்லிவிட்டுப் போவென்று

10. கொஞ்சம் மனந்துணிந்து கோபமாய்க் கேட்டிருந்தால்
நெஞ்சின் நெருப்பலைகள் கொஞ்சம் குறைந்திருக்கும்

ஆனால்.....

11.கற்பரசி பட்டமிந்த கண்ணகி பெற்றிறாளே.
சொற்கோ இளங்கோவும் சொல்லாமல் விட்டிருப்பான்.

12. எல்லாத் துயர்களையும் ஏற்றென் இதயத்தைக்
கல்லாக்கிக் கொண்டதினால் கற்பரசி என்றுசொன்னார்.

13. வாயில்லாப் பூச்சியென வாழ்ந்திருந்த காரணத்தால்
தாய்க்குலமும் என்னையின் றும்தலைவணங்கிச் செல்கிறது.

14. வீசெறியப் பட்டபோது வேதனையைத் தாங்கியதால்
பேசப் படுகின்றேன் பெண்கள் திலகமென.

15. நாயாக வாலாட்டி நானிருந்த காரணத்தால்
வாயா ரயெனையின்று வாழ்த்துப்பா பாடுகிறார் .

16. தன்மானம் இன்றித் தலைகுனிந்து வாழ்ந்தால்தான்
பெண்மானம் இவ்வுலகில் போற்றப் படுமன்றோ !

17. பெண்ணடி மைக்கொடுமைக்கு பேரொரு சான்றாக
என்னைப்போல் இன்னொருத்தி இவ்வுலகம் கண்டதில்லை.

18. காவியத்தில் ஓர்இடம்பெற்றேன், கட்டியவ னின்இதயத்தில்
ஓவியமாய் வாழ்ந்தேனா? ஓர்நாளே னும்மகிழ்ந்தேனா ?

19. மாதவிக்கு மேகலை யைமகிழ்வோடு தந்தானே
ஆதரவாய் எந்தனுக்கு ஓர்அணுவேனும் தந்தானா ?

20. வசந்தகா லத்தில்வாழ்க் கையைத் தொலைத்தான்
கசந்தகாலத் தில்இந்தக் கண்ணகியைத் தேடியேவந்தான்.

21. வேசி வலையினில் வீழ்ந்து கிடந்தவன்
காசின்றிப் போனதுமென் கால்கள் நினைத்திட்டான்.

22. அன்பை அவளுக்கு அள்ளிக் கொடுத்தவன்
துன்பம் வரும்பொழு தென்துணைகேட்டு ஓடிவந்தான்.

23. மற்ற நகைவிற்று மானம் தொலைத்தவன்
ஒற்றைச் சிலம்பில் உயிரைப் பறிகொடுத்தான்,

24. காற்சிலம்பு மட்டுமெந்தன் கைவசத்தில் இல்லையெனில்
ஊர்ச்சந்தை யில்லென்னை விற்றிருப்பான் யார்கண்டார் ?

25. யார்மீது நான்கொண்ட தாளாத கோபத்தால்
மார்பைத் திருகி மதுரைக்குத் தீவைத்தேன் ?

26. கோவலன் மீதிருந்த கோபத்தை மாமதுரைக்
காவலன் மேல்தானே காட்ட முடிந்தது.

27. எனக்குள்பல் லாண்டு புகைந்த நெருப்பு
சினம்கொண்டு ஊரையே சுட்டெரித்துப் போட்டது !

28. மங்கையரில் என்னைமட்டும் மாணிக்கம் என்றுசொல்லும்
தங்கையரே என்பேச்சை தட்டாமல் கேளுங்கள்

29. மண்ணில் அதுவுமிந்த மாநிலத்தில் நாமெல்லாம்
பெண்ணாய் பிறந்துவிட்ட ஓர்பாவக் குற்றத்தால்,

30. அழுகையே தண்டனை யாய்அனுபவிப்ப தொன்றே
எழுதப் படாத இ.பி.கோ. நமக்கெல்லாம் ?

31. அச்சம் மடம்நாணம் அத்தனையும் நெஞ்சத்தின்
உச்சத் திலிருக்கட்டும் உம்உரிமையினில் ஒன்றுமிழக்காதீர்

32. பரத்தையரை நாடுகின்ற பாவியரங் கம்மேல்
சிறுத்தையென சீறுங்கள் : சீயென்று தள்ளுங்கள்.

33. கற்பென்னும் முள்வேலி கன்னியருக் குண்டென்றால்
அற்பமான ஆண்அவிழ்த்து விட்டவெள் ளாடா ?

34. ஊரெல்லாம் மேய்ந்துவிட்டு ஓய்ந்தொரு நாள்வருபவனை
சீராட்ட பெண்ணென்ன செஞ்சிலுவைத் தாதிகளா ?

35. வக்கில்லா ஆணுக்கு வாழ்க்கைப்பட் டேதினமும்
செக்கிழுக்கும் மாடுகளாய் செத்துவீ ழப்பிறந்தோமா ?

36. ஓட்டிற்குள் உள்ளடங்கி யேவுயிர்வாழும் ஆமையென
வீட்டிற்குள் நாளெல்லாம் வெந்துவீ ழப்பிறந்தோமா ?

37. அடங்கிக் கிடப்பதற் கும்அடிமையென வாழும்
முடங்களா நாமெல்லாம் ? ஓர்முகங் கள்நமக்கிலையா ?

38. ஆடவனுக்கோர் நீதிய ளிக்கிக்ன்ற தேசத்தின்
கேடுகெட்ட சட்டங்கள் சுக்குநூறாய் போகட்டும்.

39. பெண்ணினத் தையடிமையென்ற பேய்க்கூட்ட வாதங்கள்
மண்ணுக்குள் மண்ணாகி மட்கட்டும் ! மாளட்டும் !

40. அறைக்குள் ளடிமைக ளாய்அடைபட் டுள்ளோர்
சிறைக்கத வைஉடைத்தெறிவார் ஈர்சிறகு கள்விரிக்கட்டும்.

41. விரிக்கும் சிறகுதனை வெட்டத் துடிப்போர்
எரிக்கும் நெருப்புக்குள் சாம்பலாகிப் போகட்டும்.

42. மாமதுரைக் கன்றுவைத்த மார்பகத் தின்நெருப்பின்றும்
தாவென்று கேட்கிற தேகொளுத்துங் கள்பாவிகளை.