மங்கையே பாராய்
மங்கையே பாராய்! நாணமேன் சொல்வாய்!
****நாயகன் வருகையின் விளைவோ?
செங்கனி வாயில் செவ்விதழ் பூக்க
****சிந்திய முத்தெனச் சிரிப்போ ?
தங்கமாய் மின்னும் தாரகை வுன்றன்
****தாமரை நெஞ்சினில் சிலிர்ப்போ ?
திங்களின் ஒளியும் செம்முகில் வனப்பும்
****சேர்ந்ததாய் அமைந்ததுன் அழகோ ....!!
மஞ்சுள முகத்தில் மங்கள மாக
****மலர்ந்திடும் புன்னகை யிழுக்க
அஞ்சன விழியும் அதிசயம் காட்ட
****அன்னமுன் கைவளை குலுங்க
கொஞ்சிடும் பேச்சில் குயிலிசை தோற்க
****கொடியிடை அசைந்திடக் கண்டு
வஞ்சியே அன்பாய் மன்னனும் அழைக்க
****வந்திடு வெட்கமும் விட்டே ...!!
( எழுசீர்க் கழிநெடிலடி ஆசிரிய விருத்தம் )
விளம் மா விளம் மா
விளம் விளம் மா
