நெஞ்சு பொறுக்குதில்லையே
கோலங்கள் தள்ளிவிட புள்ளிகள் போகுதம்மா....
குஞ்சு மிதித்த கோழி,சேவல் .
கோமாலியாய்ப் போகுதம்மா...
தொப்புள்கொடி பந்தத்தின் தொல்லை பொறுக்காது,
மனிதநேய மந்தை காடு நோக்கிப் போகுதம்மா..
பிள்ளைகளை நிலைக்க வைத்து,
கடன்களை கட்டிவைத்து ,
செல்வத்தை செதுக்கிவிட்டு,
காலிக் கல்லாப்பட்டிகள் கஷ்டப்பட்டு போகுதம்மா...
அறுபதை தாண்டினாலும்,
இருபதிடம் தோற்றுவிட்டு,
பூஜ்ய பூச்சியாய், புழுதியில் நடந்து போகுதம்மா...
தாலாட்டு கேட்ட காது தங்கத்தினை கட்டிக்கொள்ள,
தாய்ப்பால் குடித்த வாயும் சுயநலத்தில் ஊமையாக,
இரு கண்ணீர் துளிகளில் இதயம் மிதந்ந்து போகுதம்மா.....
