விவசாயம் பொது அறிவு வினாடி வினா

இணையத்தில் நுழையும் போது நாம் ஒரு புத்தகம் படிப்பது போல உறுதியாக கவனமாக ஈடுபடுவதில்லை. அதாவது அலைபாயும் மனதை இணையப் பரிமாணம் அலைக்கழிக்காத நாளில்லை. மவுசோடு மனமும் சேர்ந்து எங்கெங்கோ போகிறது. இணைய நேரம் முடிந்த பிறகு என்ன படித்தோம், எது நம் நினைவில் நிற்கிறது என்பதற்கு உத்திரவாதமில்லை. ஆகவே எவரும் எதிலும் அதிகம் நேரம் நின்று நிதானிப்பதில்லை. ஓடிக்கொண்டிருக்கும் மனதின் வேகத்திற்கு ஈடுகொடுப்பதோடு சில பொதுஅறிவு விசயங்களை மனதில் நிலை நிறுத்தும் வண்ணம் இந்த புதிய பகுதியை ஆரம்பிக்கிறோம். வழக்கம் போல இதுவும் சோதனை முயற்சிதான்.

அரசியல் செய்திகளை படிப்போருக்கும் எழுதுவோருக்கும் களத்தில் பணியாற்றுவோருக்கும் அரசியல், பொருளாதாரம் குறித்த பொது அறிவு அவசியம் என்பதாலும் இந்த வினாடி வினா பகுதியை வெளியிடுகிறோம். பங்கேற்போடு ஆலோசனைகளையும் அளியுங்கள்! நன்றி
– வினவு

கீழே உள்ள வினாடி வினா பக்கத்தை அழுத்தி அடுத்து வரும் படிவத்தில் கேள்விகளும் அதற்கான பதில்களும் உள்ளன. சரியான பதில்கள் என நினைப்பதை டிக் செய்து இறுதியில் வினாடி வினாவை முடித்தால் எவை சரியான பதில்கள் என்பதோடு நீங்கள் தவறாக தெரிவு செய்த பதில்களும் வரும். முயற்சி செய்யுங்கள்!


ஐ.நா சபை 2012 கணக்கீட்டின்படி இந்தியாவின் ஒட்டு மொத்த பெண் தொழிலாளிகளில் விவசாயத்தில் மட்டும் பணிபுரியும் பெண்களின் சதவீதம் எவ்வளவு? * ---
60%

ஐ நா சபையின் 2012 கணக்கீட்டின்படி இந்தியாவின் ஒட்டு மொத்த ஆண் தொழிலாளிகளில் விவசாயத்தில் மட்டும் பணிபுரியும் ஆண்களின் சதவீதம் எவ்வளவு? *
43%

ஐ,நா சபை கணக்கீட்டின்படி 2014 – 2016 ஆண்டுகளில் போதிய உணவின்றி 20 கோடிக்கும் மேல் மக்களை வைத்திருக்கின்ற ஆசிய நாடு எது? *
இந்தியா

ஐ.நா சபை 2012 கணக்கீட்டின் படி உலகிலேயே நூறு மில்லியன் டன்னுக்கும் மேலாக பால் பொருட்களை உற்பத்தி செய்வதில் முதலிடம் வகிக்கும் நாடு எது? *
இந்தியா

ஐ.நா சபை 2012 கணக்கீட்டின் படி உலகிலேயே அதிக முட்டைகளை (29 மில்லியன் டன்) உற்பத்தி செய்யும் நாடு எது? *
சீனா