பொங்கலோ பொங்கல்
பொங்கட்டும் தைப்பொங்கல்
நிலைக்கட்டும் இன்ப பொங்கல்
வளம் தரும் தையை
வலம் வரும் பரிதியை
இருகரம் நீட்டி வரவேற்போம்
இல்லாமை போக்க கைகொடுப்போம்
உழவன் வாழ. வழி செய்வோம்
உழவு செழிக்க வகை புரிவோம்
காளை அடக்கும் காளையர்
கடைக்கண்ணோடு நோக்கும் பாவையர்
உறவோடு கை கோர்த்து
அன்போடு நாளும் இணைந்து
புதுப்பானை நிறையட்டும்
புதுமைப் பொங்கல் பொங்கட்டும்
