என் நிலா என் பெண்ணிலா தந்த முத்தம்

பால் நிலா என்னவள் முகம்
மாசிலா நிலா முகம்
மண்ணில் வந்த நிலா முகம்
இவள் என் உள்ளம் கொள்ளைகொண்ட
தனி நிலா பெண்ணிலா

இன்னிலா முழுநிலா
இவள் கண்ணிரண்டும்
துள்ளும் கயல் மீனே
இவள் வாயோ சிறுவாய்
செவ்வாய் சிறுவாய்
அது மலர்ந்து நிலாப்பெண் சிரிக்க
அவள் மாங்கனி கன்னங்கள் சிவக்க
அழகிய குழி இரண்டு அதில்
சிரிப்பிற்கு இன்னும் அழகு தந்து
பித்தாக்கியதே என் நெஞ்சை
அந்த சிரிப்பு குழிக்குள்
என்னை இழுத்துச் சென்றது
அங்கு முத்தாம் இன்பவிருந்து
எனக்கு அள்ளி தந்திட
முத்தாய் முத்துமுத்தாய் முத்தமாய்.