நீக்கம் அறுமிருவர் நீங்கிப் புணர்ந்தாலும் அவர்பெருமை நொய்தாகும் – நன்னெறி 5
நேரிசை வெண்பா
நீக்கம் அறுமிருவர் நீங்கிப் புணர்ந்தாலும்
நோக்கின் அவர்பெருமை நொய்தாகும் – பூக்குழலாய்!
நெல்லின் உமிசிறிது நீங்கிப் பழமைபோல்
புல்லினும் திண்மைநிலை போம். 5 - நன்னெறி
பொருள்:
பூங்குழலை உடையவளே!
நெல்லிலிருந்து பிரிந்த உமி மீண்டும் அதனோடு சேர்ந்தாலும் முன்புபோல் திடமாக இருக்காது.
அது போலவே பிரிந்த இருவர் மீண்டும் சேர்ந்தாலும் அந்த நட்பு அற்பமாகவே இருக்கும்.