உழுபவனே உரமாய்
யான் விதைத்த மண்ணில் - இன்று
நானே விதையாகிறேன்!
வறுமையாலும் வெறுமையாலும் நான் மரிக்கவில்லை,
பச்சைப்புரட்சி மரணிக்கக்கூடாது எனவே!
வெள்ளாமை ஏற்க வேண்டிய நிலத்தை - இன்று
வெண்சுவர் ஏற்று நிற்கிறதே என்று!
களம் கண்ட கை என்றும்
கரம் ஏந்த கூடாதே என்று!
வேற்றுமனிதனாய் வெற்றுப்போனேன்,
தொழில்நுட்பத்தாலோ இன்று!
நச்சுத்துளியின் விளைவால் விதவை நெற்றிப் போல்,
என் பூமி கிடக்க
என் வாழ்வை நான் போராளியாய் முடிக்கிறேன்!
