எண்சீர் வண்ண விருத்தம்
எண்சீர் வண்ண விருத்தம் ...!!!
******************************************
தனதன தத்தத் தனதன தத்தத்
தனதன தத்தத் தனதன தனதானா
பணிவொடு குட்டிப் பரிவொடு தொட்டுப்
பதமலர் பற்றித் தொழுதிட மகிழ்வோனே !
துணையென நெற்றித் திலகமு மிட்டுத்
துயரினை விட்டுத் தெளிவுற அருள்வாயே !
பிணியொடு சுற்றிக் கவலது முற்றிப்
பிரிவினை யுற்றுக் கதியிலை கணநாதா !
கனிவுட னிற்றைப் பொழுதினி லொற்றைக்
கரிமுக வெற்றிக் கனிதர வருவாயே !!
சியாமளா ராஜசேகர்
