விழித்திடு எழுந்திடு!!
இரவைக் கண்டு இடிந்து
போகாது - மீண்டும் உதிக்கும்
சூரியன்...
உதிர்வுக்கு பிறகும் உடைந்து
போகாது - மீண்டும் பூக்கும்
பூச்செடி...
தேய்விற்கு பிறகும் தேம்பி
அழாது - மீண்டும் பௌர்ணமி
காண்பிக்கும் நிலவு....
சாய்வி்ற்கு பிறகும் ஒடிந்து
போகாது- மீண்டும் நிமிரும்
நாணல்....
கலைந்த பிறகும் கண்ணீர்
விடாது- மீண்டும் கட்டிடும்
சிலந்தியின் வலை....
வற்றிய பிறகும் வாடி
விடாது- மீண்டும் சிரித்திடும்
ஆற்றின் பெருக்கு...
இடரை கண்டு இடிந்து
போகாத இயற்கையின் உதாரணம்
இவைகள்...
உதாரணங்கள் உரைக்கட்டும்
மனிதா - உனக்காகவே இவைகள்
எழுந்திட மறவாதே...
