Insta காதல்

இணையம் மூலம் இணைந்த உறவே!
காலை விடிந்தும் கலையாத கனவே!
•
•
வலைதளம் மூலம்
என்னுள் அடித்தளம் அமைத்தவளே!
இன்ஸ்டாகிராமில்
என் இதயம் பறித்தவளே!
•
•
தேடி வந்து தேனாய் பேசும்
என் செல்ல தேவதையே!
.
இருளாய் இருந்த என் வானில்
புதிதாய் பூத்த நிலவு "நீ"..
.
முப்பொழுதும் என்னை
முழுவதுமாய் ஆழும் அழகியே!
.
வறட்சி வழிந்த என் வாழ்வில்
வசந்தமாய் வீசிய பூங்காற்று "நீ"..
•
•
என்னோடு நீ மனம் திறந்து
பேசும் போதெல்லாம்
என் நெஞ்சோடு வான் மழை தூவுகிறது..
•
•
தொடுதிரை தாண்டி
உன் மனத்திரைக் கண்டதால் தான்
என்னவோ என் உயிர்
உன் பின் உருகி நிற்கிறது..
•
•
என்ன மாயம் செய்தாயடி?
இந்த ஆணின் மனம்
அடிக்கடி எட்டிப்பார்த்துக்
கொண்டேயிருக்கிறது
Online ல் நீ இருக்கின்றாயா என்று...
.
நீ அனுப்பும் குறுஞ்செய்தியின்
'டொய்ங்' என்ற சப்தம் கேட்டாலே
என் உள்ளம் குஷியாகி
துள்ளி குதிக்கிறது...
.
நீ அன்பாய் பேச பேச
என் மனம் மண்டியிட்டு ஏங்குகிறது..
.
உன் பதில் வர சிறு தாமதம் ஆனால்
என் மனம் தவியாய் தவிக்கிறது..
.
சிறிது நேரத்திற்கு பிறகு
Late Reply க்கு Sorry Da என
"நீ" சொல்லும் போது
சிறகில்லா தேவதைகளும்
இந்த மண்ணில் உள்ளது என
என் உள்ளம் உன்னை எண்ணி
பெருமை கொள்கிறது..
.
"நீ" என்னோடு பேசுகையில்
ஒருமணி நேரம் கூட
ஒரு நிமிடமாய்
தீர்ந்து போகிறது!
தனிமை கூட துணை தேடுகிறது!
சோகம் கூட சோர்வாகிறது!
•
•
பெண்ணே!
.
உன்மேல் ஆசை கொண்டு
என்னை நானே மறந்தேன்..
.
என்னை உன்னுள் தேடி
அலையாய் அலைந்தேன்..
.
உள்ளத்தில் கலந்த "நீ"
உறவில் கலக்கப் போவது எப்போது?
•
•
அன்பே!
.
"😍"கண்கள் முழுதும் காதல் உள்ளது
என காட்டுகிறாய்...
"😘"கேட்காமலே முத்தம் தருகிறாய்...
"❤"அவ்வப்போது இதயம்
பறிமாறுகிறாய்...
.
கேட்டால் காதல் இல்லை
"Emoji"என்கிறாய்!
.
என்னடி நியாயம் இது?
.
படாதபாடு படுத்துகிறாய்
என் பிஞ்சு நெஞ்சம் பாவமடி!!!
•
•
கண்ணே!
.
கட்டிவைத்திருக்கும்
உன் காதலதை
கட்டவிழ்த்து விடு!
.
காத்திருக்கிறேன் உன் பதிலுக்காக
கனவுகளை சுமந்த இரவோடு!!
காதலை சுமந்த இதயத்தோடு!!
•
•
கவிதைகளின் காதலன்
❤சேக் உதுமான்❤