The Ex Returns

என் வானில்
திடீரென்று ஒரு மாற்றம்!
•
•
தூரத்தில்
ஒரு பெண்ணின் தோற்றம்!
•
•
யார் என்று எட்டி பார்த்தேன்!!!
•
•
அன்று என் வானம் விட்டு
மறைந்து சென்ற வானவில் ஒன்று
இன்று என் வாசல் தேடி வந்து நின்று
என் பெயர் சொல்லி அழைத்தது...
•
•
ஆம்,
அவள் மீண்டும் வந்து விட்டாள்!!!
•
•
உந்தன் வருகை என்பது
நான் சற்றும் எதிர்பாராதது!
•
•
என் கண்கள் உன்னை கண்டதும்
இன்பம் என் இதயம் வழியே உட்புகுந்து
நான் இதமாய் பறக்கின்றேன்
வான் தாண்டி விண்வெளி எங்கும்!!!
•
•
என்னைத்தேடி வந்ததற்காக நன்றி...!
•
•
என் இளவரசியாய் இருந்தவள்
இப்போது யாரோ ஒருவனின்
இல்லத்தரசியாக ஆக போகிறேன்
என்ற செய்தியை சொல்ல
வந்துருக்கிறாய்!!!!
•
•
வாழ்த்துகள் பல
நீ எங்கு இருந்தாலும்
நலமாக வாழ என் நெஞ்சம்
என்றும் இறைவனை வேண்டும்...!
•
•
உன்னோடு வாழ்ந்த
அழகான காலங்கள் அனைத்தும்
என் வாழ்வின் அழியா பொக்கிஷங்கள்!
•
•
பேதை நீ
செவ்விதழ் திறந்து பேசினாய்
பல நாள் பழுதாகி கிடந்த
என் உயிரின் வேர்கள் யாவும்
புத்துணர்ச்சி பெற்று இயங்கியது...!
•
•
நம் இருவரின் இறந்தகாலத்தில் நடந்த
சில கசப்பான நிகழ்வுகளை மறந்துவிட்டு
இப்போது நகர்ந்து கொண்டிருக்கும்
நிகழ்காலத்திலும்,
இனி வரும் வருங்காலத்திலும்
நல்ல நண்பர்களாய்
இருப்போமா என்றாய்?
•
•
உன் சொல்லிற்கு மறுசொல் ஏதடி...
•
•
நீ விட்டு சென்ற இடத்திலிருந்து
தனித்தே பயணித்த என் பயணத்தில்
இன்று முதல் மீண்டும்
நான் உன் கரம் கோர்த்து
உன்னோடு சேர்ந்து
பயணிக்க போகிறேன்
நட்பெனும் பாதையில்
என் ஆயுள் காலம் உள்ள வரை!!!!
•
•
அன்று என் காதலி!
இன்று என் தோழி!
•
•
உறவுகளின் பெயர் முறைகளை
நம் தேவைகளுக்கு ஏற்றவாறு
மாற்றிக்கொள்ளலாம்
ஆனால் அவ்வுறவால் தோன்றிய
அன்பை மட்டும் மாற்றவும் முடியாது
மறக்கவும் முடியாது...!
•
•
அன்றும்!இன்றும்!என்றும்
உனக்கும் எனக்கும் இடையில்
இருக்கும் அன்பு என்பது
ஆழ்கடலை விட மிக ஆழமானது!!!
•
•
உன் உயிரில் நிறைந்திருக்கும்
உன் அன்பு நண்பனாக
•
•
கவிதைகளின் காதலன்
❤சேக் உதுமான்❤