காதல் நோக்காய் நோக்காதே செத்தேன்

காதல் கத்திரிக்காய் முளைக்கையிலே
காதல் புடலங்காய் நீள்கையிலே
காதல் வெண்டைக்காய் மென்மையிலே
காதல் வெள்ளரிக்காய் சிரிக்கையிலே

காதல் மாங்காய் புளிக்கும் இனிக்கும்
காதல் தேங்காய் இளநீர் சுவைத்தரும்
காதல் பலாக்காய் வேரிலே காய்க்கும்
காதல் நிலாக்காய் காய்க்காதே என்னை

காதல் சீக்காய் மாலை யில்வரும்
காதல் தேக்காய் உறுதி கொள்ளும்
காதல் நாக்காய் கவிதை நல்கும்
காதல் நோக்காய் நோக்காதே செத்தேன்

காதல் மேற்காய் அந்தி அழகாகும்
காதல் கிழக்காய் கனவாய்ப் புலரும்
காதல் வடக்காய் காந்தமாய் ஈர்க்கும்
காதல் தெற்காய் தென்றலாய் வீசும்

காதல் சிலநேரம் மக்காய் நிற்கும்
காதல் சிலநேரம் காக்காய் பிடிக்கும்
காதல் சிலருக்கு வாக்காய் அமையும்
காதல் ஷோக்காய்த் திரியும் முப்பொழுதும்