55 அழியா ஞான உடம்பளித்தோன் ஆசான் - ஞானாசிரியன் பெருமை 2
கலிவிருத்தம்
(விளம் விளம் மா மா)
கானலெ னப்படு காய மிதப்பன்
தானவ மேபுவி தங்க அளித்தான்
ஈனமி லாரியன் என்று மொருங்கா
ஞானவு டம்பினை நல்கி னனன்றோ. 2
- ஞானாசிரியன் பெருமை, நீதிநூல்
- மாயூரம் வேதநாயகம் பிள்ளை பாடல்
பொருளுரை:
”பொய்யான நீர் போலத் தோன்றும் இந்த உடம்பினை நம்மை ஈன்ற தந்தை வீணாக இவ்வுலகில் தங்க அளித்தான். குற்றமில்லாத ஞானாசிரியன் என்றும் அழியாத ஞான உடம்பை நமக்கு அருளினான்” என்று ஞானாசிரியனின் பெருமையைக் கூறுகிறார் இப்பாடலாசிரியர். .
கானல் - நீர்போல் தோன்றும் வெளி. அவம் - வீண். ஆரியன் - ஆசான். ஒருங்கா - அழியா.
