முரண் துளிகள் !
மஞ்சள் கோட்டில்
நாய் அடிபட்டு செத்தது
மனிதனுக்கு ஆறறிவு ! (பெருந்தெருவில்)
மலர்ச்சாலை முதலாளி
மனமுருக வழிபடுகிறார்
என்ன வேண்டுதலாயிருக்கும் ? (கடையில்)
தூங்குவதற்கு கட்டிலே தேவையில்லை
நாற்காலி போதும்...
அரசியல் ! (நாடு தூங்குவதற்கு)
விழுந்த இடத்தில்
சமாதானம் சொல்லி கொடுத்தது
வெடிகுண்டு !
“யாமிருக்க பயமேன்”
கோயில் கதவில்
பெரிய பூட்டு !
ஐந்தில் வளையாதது
ஐம்பதில் வளையும்
கூன் !
கோழையின்
வீரம்
தற்கொலை !
அய்யர் வீட்டில்
முட்டை பொரிக்கும் வாசம்
சைவ முட்டையோ ?
ஆண்கள் செய்யும்
பகிரங்க விபச்சாரம்
சீதனம் !
__________
(சீதனம்,தற்கொலை இரண்டும் ஏற்கனவே நான் பதிவு செய்தவை,)
