வேறு பாதையில்...சில கனவுகள்...

ரொம்பவும் சிறியதாய் இருக்கிறது
உலகம்.......

புல் நுனியில் துளிர்த்த
பனித்துளி விழுங்கி விடுமளவுக்கு.
**************************************************************
கல் எறிகிறேன்....
அழுது...சிரிக்கிறது குளம்...
நீர் சிதறி...வளையம் வளையமாய்..
***************************************************************
ஊரும் எறும்பு
இழுத்துச் செல்கிறது என்னைத்
தன் பார்வையோடு.
****************************************************************
மௌனம் பேசிக் கொண்டே இருக்கிறது...
மௌனமாய்....
அவரவரிடமும்..அவரவர் மொழியில்.
*****************************************************************
எப்போதும் நான்
இரண்டாகவே இருக்கிறேன்..
உருவமும்,நிழலுமாய்.
******************************************************************
ஊர் சுற்றும் நிலவு...
குளித்துச் செல்கிறது தினமும்...
ஊர்க் குளத்தில்.
******************************************************************