மாற்றம் மட்டுமல்ல
நான்முகன் படைப்புகளில் அதிசயமே! அற்புதமே!
நான்எனை மறக்கும்படி சிரிப்பவளே! மாங்கனியே!
வானடைத்த வெளிச்சத்தை விழியில் கொண்டவளே
தேனடையின் சுவையைத் தேகத்தில் வைத்தவளே
பால்நிலவே பைங்கிளியே கடலின் முத்தே !
வேல்விழியே உலகத்தை நாணத்தால் அளப்பவளே
நாடுநலம் தான்செழிக்க வாக்களிக்க மறவாதே
தேடும்நலம் கிடைப்பதற்கு வாக்களிக்க மறவாதே
காதலிங்கு தேவையடி என்னிலல்ல நாட்டின்மேல் !
ஆதலால் என்சொல் அன்போடு கேட்டிடுவாய்
ஓர்தல் வேண்டுமடி ஒழுங்காக நடந்தேறும்
தேர்தல் மாற்றம் மட்டுமல்ல ஏற்றமுமே !
விவேக்பாரதி
