ஹைக்கூ சென்றியு கவிஞர் இரா இரவி
ஹைக்கூ ( சென்றியு ) கவிஞர் இரா .இரவி !
மேகங்களின் மோதல் மின்னல்
விழிகளின் மோதல்
காதல் !
புவி ஈர்ப்பு சக்தியை
வென்றது
விழி ஈர்ப்பு சக்தி !
பேசாவிட்டாலும்
பார்வையாலேயே
பசியாறி விடுகின்றனர் !
நடந்து செல்கையில்
திரும்பி ஒரு பார்வை
அதிர்வலைகள் !
இமைக்காமல் பார்ப்பதில்
அவளுக்கு நிகர்
அவளே !
காந்த அலை
வீசும்
கண்கள் வலை !
பரவச நிலை
மிதக்கும் கலை
காதல் !
பார்க்காததால்
வரையவில்லை
இரவிவர்மன் !
காதலன் விழிகளுக்கு
அவன் காதலி
பேரழகி !
அடிக்கடி
சந்திக்கின்றன
மனஅலைகள் !
சிலையே
சிலையை ரசித்தது
கோவிலில் அவள் !
