காலாவதியான வாசகங்கள்
குப்பைகளை
இங்கு கொட்டாதீர்!
*
சுவற்றில்
நோட்டீஸ் ஒட்டவோ
எழுதவோ கூடாது!
*
சாலை விதிகளை மதிப்போம்!
*
மது நாட்டுக்கு வீட்டுக்கு உயிருக்குக் கேடு!
*
புகை பிடிக்காதீர்!
*
படியில் நின்று
பயணம் செய்யாதீர்!
*
சிறுவர்களைப் பணியில் அமர்த்தாதீர்!
*
செல்போன் பேசிக்கொண்டு வாகனம் ஓட்டாதீர்!
*
தலைக்கவசம் உயிர்க்கவசம்!
*
லஞ்சம்
வாங்குவதும்
கொடுப்பதும்
சட்டப்படி குற்றம்!
*
பலபேருடைய
நிகழ்கால வாழ்வில்
காலாவதியாகிப்போன
இதுபோன்ற வாசங்கள்
அனைத்தும்
அவன் ஓங்கி உடைத்த
தேங்காய் போலச்
சிதறிக்கிடந்தன-சாலையில்...
