முயன்றுபார்

முதுகெலும்பு வளைந்தாலும்
வளையாமல் நிமிரந்து நிற்கும்
உன் புகழ்.
முயன்றுபார்!

முன்னும் பின்னும் போகாது சிந்தனை, முழு மூச்சையும் லட்சியத்தில் வைப்பாய்.
முயன்றுபார்!

உன்னையே நீ அடையாளம் காண்பாய்,உன் குறையும் நிறையும் உனக்கே தெரியும்.
முயன்றுபார்!

வெற்றி தொலைவில் இருந்தாலும் துணிவு பிறக்கும், எப்படியும் வென்றுவிட வேண்டுமென்ற
வெறி தோன்றும்.
முயன்றுபார்!

வெற்றிக் களிப்பும்
தோல்விபயமும் உனை சலிப்படையச் செய்யாது.
முயன்றுபார்!

மண்மூடிய விதையும் முயற்சியின் விளைவால் மரமாகும்
உனக்குள் மறைந்த திறமைகள்
முயற்சியின் பயனால் வெளிப்படும்.
முயன்றுபார்!