சாதிக்க துணிந்து விட்டோம் - கயல்

சாதிக்க துணிந்து விட்டோம் -கயல்

மலையும் மண் புழுவாகும்
ஆழ்கடல் நீர் அரைசாண் ஆகும் .
வானம் குடை பிடிக்கும்
புயலும் பூ தூவிச் செல்லும் .

தடைகளை உடையாக்கி
தன்மானத்தை உணவாக்கி
சாதிக்க துணிந்து விட்டோம்
இனி போதிமரம் தேவை இல்லை

போர் முரசின்றி
உயிர் பறிக்கும் யுத்தமின்றி
உலகை வெல்ல போகின்றோம்
உண்மை எனும் வாள் ஏந்தி .

அகிம்சை இல்லை
இங்கு
இம்சையும் இல்லை
எதிர்த்து நிற்கும் திறனும்
எழுதுகோலையும் தவிர
எமக்கென்று எதுவும் இல்லை .

இருப்பினும்
மாற்றுவோம்
எழுத்தினால்
தலைஎழுத்தை மட்டும் அல்ல
தரணியையும் ..

ஆம் நாம் எழுத்தாளர்கள் .!!!!!