காதல் தோன்றிய நிமிடம்

நீ
என்னோடு எப்போதும் இருந்தாய்,
ஆனால்
அப்போது நீ என் காதலி அல்ல!

இன்று நீ
என் காதலி!
நமக்குள் காதல் வந்த நிமிடம் எது?

என் அருகில் நீ,
உனக்கும் எனக்கும் இடைவெளி இருவிரல் தூரம்,
உன் மஞ்சள் நறுமணம் -என்
மூச்சு காற்றுக்குள் நுழைந்து
மூளையை சென்றடைந்தது !

என் கண்கள் உன் காது மடல்களை
எப்போதும் இல்லா கூர்மையோடு கவனித்தது.....
உன் இதழின் ரேகைகள் -என்
இருதயத்தின் வால்வுகளை வெளிவர சொல்லியது......

இதுதான் காதல் தோன்றிய நிமிடம் ,
ஆனால் இதை நீ அறியவில்லை...
இயல்பான என்
இதழ்களில் ஓர் வேதியல் மாற்றம்!
இதுதான் உயரியல் என்றால்- என்
காதலில் ஓர் அறிவியல் மாற்றம் நிகழ்ந்துள்ளது ..........

இதுதான் என் காதல் தோன்றிய நிமிடம்.........