ஹைக்கூ கவிஞர் இரா இரவி
ஹைக்கூ ! கவிஞர் இரா .இரவி !
கட்டப்பட்டு வாழாது
இட்டப்பட்டு வாழ்க
இனிக்கும் வாழ்க்கை !
உற்று நோக்குங்கள்
வாகை உள்ளது
வாழ்க்கையில் !
பிறப்பு இறப்பு
இரண்டிலும் ஒரு மெய்
வாழ்க்கை இரு மெய் !
புரியாத புதிர்
புரிந்தால் கரும்பு
வாழ்க்கை !
பலருக்கு உயிருள்ளவரை
சிலருக்கு உலகம் உள்ளவரை
வாழ்க்கை !
வாழ்வாங்கு வாழ்
இறந்தபின்னும் வாழ்வாய்
வாழ்க்கை !
இன்பம் துன்பம்
இரண்டின் கலப்பே
வாழ்க்கை !
தனக்காக வாழ்வதல்ல
பிறருக்காக வாழ்வதே
வாழ்க்கை !
கவலையால் தீராது கவலை
உழைத்தால் தீரும் கவலை
வசமாகும் வாழ்க்கை !
மூச்சு நின்றவுடன் முடிவதல்ல
அதற்குப் பின்னாலும் தொடரும்
வாழ்க்கை !
.
