அன்பை விதைத்துவிடு மனமே

அன்பை விதைத்துவிடு மனமே..நீ
ஆசையை சற்றே நீக்கிவிடு
இன்பம் விரும்பிவிடு மனமே..நீ
ஈகை செய்து பெருமைப் படு
உண்மையே பேசிவிடு மனமே..நீ
ஊருக்கும் கொஞ்சம் உழைத்துவிடு
எதையும் தாங்கிவிடு மனமே..நீ
ஏற்றம்தரும் செயல் செய்துவிடு
ஐம்புல னடக்கிவிடு மனமே..நீ
ஒன்றாய் வாழப் பழகிவிடு
ஓதி உணர்ந்துவிடு மனமே..நீ
ஒளவையின் சொல்லை ஏற்றுவிடு
அஃதே அறமெனப் போற்றிவிடு

எழுதியவர்
பாவலர். பாஸ்கரன்