அப்துல் கலாம் 27-07-2015

ராமேஸ்வரம் கடலில் உதித்த முத்தே
உலகம் போற்றும் அறிவியல் சொத்தே
நீ ஒருவன்தான்
எங்கள் இந்தியாவின்
உண்மையான கதாநாயகன்
ஒட்டுமொத்த இளைஞர்களின் இதய துடிப்பானவன்
அரசியல் அழுக்கு படியாதவன்
ஊழல் இருட்டில் நுழையாதவன்
அனைவருக்கும் பொதுவானவன்
பூமி போற்றும் புனிதமானவன்

நீ
சராசரி மனிதனில்லை
உனக்கு ஈடு இனை
வாழும் தலைவன் எவனுமில்லை

நீ
நாட்டின் முதல் குடிமகனாய் இருந்தாய்
அனைத்து மக்களின் மனதிலும் குடிபுகுந்தாய்

நீ
அணுகுண்டு சோதனை செய்தாய்
நம் இந்தியாவை
உலகரங்கில் உயர செய்தாய்

நீ
இன்னும் இறக்கவில்லை
எங்கள் இதயங்களில்
உங்களுக்கு என்றும் இறப்பே இல்லை

உங்களின்
அக்கினிசிறக்குகள்
உலகவானில்
சிறகடித்துக்கொண்டே இருக்கும்

உங்களின்
பெயரை சொல்லியே
இனிவரும் இளைஞர்களின்
இதயங்களும் துடிக்கும் !