எதிரிகளுடன் யுத்தம் செய்கையில்

யுத்தம்...
போர்க் கருவிகளின்
பொழுது மிளிர்கிற காலம்!

வேகமும் விவேகமும் இணைந்தால்
வெற்றி தரும் சுபயோகம் – இங்கு
வீரம் மட்டுமே வெல்வதில்லை
விவேகமும் இருந்தால் தோற்பதில்லை

போர்க் களத்தில் தற்புகழ்ச்சி
வெற்றிக் களிப்பில் பெருமகிழ்ச்சி
தோற்ற உடனே மனத்தளர்ச்சி
இம்மூன்றும் தேக்கத்தின் தொடர்ச்சி!

தேவைக்கு மிஞ்சிய பொருளும்
திறமைக்கு மீறிய புகழும்
தேனாறு போல இனிக்கும்
தித்திப்பில் மனதைக் கவிழ்க்கும்

சரிந்த இடத்தை விட்டு விட்டு
சறுக்கிய இடத்தை செப்பனிட்டால்
சரித்திர வெற்றிகள் பதிவாகும்
தரித்திர நோய்கள் தகர்ந்தோடும்

எழுந்து நடந்தால் எல்லாம் உறவு
விழுந்து படுத்தால் பாயும் பகை
ஊரான் முதலல்ல வெற்றி – அது
உண்மைக்குக் கிடைக்கும் வெள்ளாமை!