கவிஞரின் மரணம்
கவிஞருக்கு மரணம்
காலம் நடத்தும் சோதனை !!
மண்ணில் விழும் விதையாய்
விருட்சமாய் எழுவானே தவிர
விறகாய் சாம்பலாக மாட்டான் !!!
புத்தகங்களால் வளர்ந்தவன் அவன்
இனி புத்தகமே அவன் புகழை வளர்க்கும் !
விருதுகளை எதிர்நோக்கியவன் பெயரில்
நாளை விருதுகள் கொடுப்பதே பெருமை !
சொல்லைக் கவியாய் செதுக்கியவனின்
வாழ்வை வழியாய் பின்பற்றுவதே பெருமை
மண்ணுக்கு உரிமை அவன் உடல் என்றால்
மனிதனுக்கு உரிமை அவன் செதுக்கிய
செந்தமிழே ! செத்துமடிந்திடாத
செம்மை கவிகளே!
