மனிதம் பழகு மனிதா

களை வளர்த்தால் தானடா பயிர் வளர்க்க முடியும்
யானைகட்டி போர் அடித்த - எங்கள் கழனிக்கு
களை வளர்க்கக்கூட நீரை மறுக்கிறாய்

நீரை அடைக்க கதவிருக்கிறது - என்பதால்
இஷ்டப்படி அடைத்துக்கொள்கிறாய்

பசி மறக்க ஈரத்துணியை வயிற்றில் போடலாம் - என்றால்
அந்த துணியை நனைக்கக்கூட வழியில்லாமல்
வரண்டு கிடக்குதடா காவிரி

ஏனடா வயிற்றில் அடிக்கிறாய் - என
மத்திய சர்க்கார் புத்திசொன்னால்
அணையை திறந்துவிட்டு - தமிழன்
முதுகிலும் சேர்த்து அடிக்கிறாய்

கண்ணீரை ஊற்றியாவது சம்பாவை சாகவிடாமல்
காக்க நினைக்கும் - என்
தமிழ் சமூகத்தின் உணர்வை
என்று தான் உணரப்போகிறாயோ!!!!!!!.....

மனிதம் பழகிக்கொள் மனிதா
தெரியவில்லை என்றால்
தமிழனிடம் வந்து கற்றுக்கொள்.....