ரஜினிகாந்த் பிறந்தநாள் வாழ்த்துக்கவி

ரஜினி
1950 கார்த்திகையில் மண்ணில்
பிறந்த விண் நட்சத்திரம்
1975 அபூர்வ ராகங்கள்
திறந்து வைத்த பொன் சித்திரம்

அன்று பேருந்தை
நடத்திக்கொண்டிருந்தவர்தான்
உழைப்பால்
இன்று பேரும் புகழும் பெற்று
பெரிய படங்களில்
நடித்துக்கொண்டிருக்கிறார்

இவர் அன்னார்ந்து பார்க்கும்
இமயமலையில்
ஆன்மிகம் தேடும்
அண்ணாமலை

எங்கள் ஊரில் பிறக்காது
பெங்களூரில் பிறந்த
தங்கவயல்

படையெடுத்து இந்தியமண்ணை
கவர்ந்தவன் கஜினி
படமெடுத்து இளைஞர்மனம்
கவர்ந்தவர்தான் ரஜினி

ஈபில் டவர்பொல அவர் புகழ்
உயர்ந்திருந்தாலும்
ஈசலைப்போல புகழ்மீது
எளிமை எனும் புற்று கட்டியவர்

ராமாபாயிக்குப் பிறந்த ராமன் அவன்
வால்மீகி எழுத மறந்த ராமாயணம் அவன்

2000 ஆண்டுகள் தவம்கிடந்தது
பத்மபூஷன் விருது இந்த
பாட்ஷாவின் கைசேர

இவன் முகநரையை மை கொண்டு
மறைக்காதவன்
அவன் அக அறையை பொய் கொண்டு
நிறைக்காதவன்

கருப்பு மெய் கொண்டு
திற மை கொண்டு
நெருப்பு பகை வென்று
திரையுலகை
திரும்பிப்பார்க்கவைத்தவன்

திறமையுள்ள அனைவரையும்
கொட்டகை ஏற்றிய கலைத்தாய்
ரஜினியைமட்டும்
கோட்டையில் ஏற்ற அழைத்துக்கொண்டிருக்கிறாள்

பலே ஷங்கர்
உருவாக்கிய எந்திரன்
இவன் பாலச்சந்தர்
கருவாக்கிய ராகவேந்திரன்

செப்பு மிங்கிளாகிவரும்
தங்கம் அல்ல அவன்
எப்பவுமே சிங்கிளாகவரும்
சிங்கம்

கருப்பு உருவம்
வெள்ளை தாடி கொண்ட
தமிழகம் கண்ட
சிறப்பு சுப்பர் ஸ்டார் ரஜினி

பெயரில் காந்தம் கொண்டவன்
உயிரில் சாந்தம் கொண்டவன்
உயர்வில் ஏகாந்தம் கண்டவன்

இந்த திரையுலகப்புயல்
அரசியலுக்கு வரும்
அனால் வராது

எளிமையின் சிகரம்
திரு ரஜினிகாந்த் அவர்களுக்கு
இனிய பிறந்தநாள் வாழ்த்துக்கள்