மோக தேவதை
மோக தேவதை - புது
ராகமாலிகை !
நெஞ்சக் கனலின் நெருப்பை - அவள்
நெளியும் உடல்மேல் விருப்பைக்
கொஞ்சம் கேட்டுச் சிரிப்பாள் - தன்
கொவ்வைச் செவ்விதழ் விரிப்பாள் ! (இவள் )
மோக தேவதை - புது
ராகமாலிகை !
மச்சத்தாலே கிளர்த்தி - உயிர்
மயிர்க்கூச்சத்தை நிகழ்த்தி
உச்ச சொர்க்கம் புகுத்தி - எனை
உரித்துத் தின்னும் ஒருத்தி (இவள்)
மோக தேவதை - புது
ராகமாலிகை !
தங்க நிறத்தில் கூந்தல் - மனம்
தழுவும் இவளோர் ஏஞ்சல்
அங்கத் தளவோ ரம்பை - பல்
அடுக்கு வரிசைத் தும்பை ! (இவள்)
மோக தேவதை - புது
ராகமாலிகை !
ரதியைப் போன்ற வளைவு - பல
ரசனைக் கேற்ற விளைவு
நதியைப் போன்ற நடப்பு - இவள்
நகர்ந்தாலே படபடப்பு (இவள்)
மோக தேவதை - புது
ராகமாலிகை !
செக்கச் சிவந்த இதழ்கள் - பலர்
சேர்ந்து புகழ்ந்த இதழ்க்கள்
சிக்கென் றிருக்கும் இடுப்பு - எனைச்
சிதையி லேற்றிடும் அடுப்பு ! (இவள்)
மோக தேவதை - புது
ராகமாலிகை !
-விவேக்பாரதி
