அந்த ஒரு நாள்
அந்த ஒரு நாள்…
நான் நானாக
உணர்ந்தேன் அந்த ஒரு நாளில்....
மலர்களின் மணத்தை
நுகர்ந்தேன் அந்த ஒரு நாளில்....
மரங்களின் மெளனத்தை
மறந்தேன் அந்த ஒரு நாளில்....
பறவைகளின் சப்தத்தைச் - சற்றே
வியந்தேன் அந்த ஒரு நாளில்.....
நண்பர்களின் நட்பை
நாடினேன் அந்த ஒரு நாளில்....
பெண்களின் ஆழ்மனதை - அறிய
முயன்றேன் அந்த ஒரு நாளில்....
மேசையை மெல்லத்
தடவினேன் அந்த ஒரு நாளில்....
ஆசிரியரின் ஆலோசனைகளை
ஆராய்ந்தேன் அந்த ஒரு நாளில்....
காதலர்களின் காதலைக் - கற்க
முயன்றேன் அந்த ஒரு நாளில்....
கண்களில் வடியும் கண்ணீரையும்
மறந்தேன் அந்த ஒரு நாளில் - ஆம்
கல்லூரியின் கடைசி அந்த ஒரு நாளில்..!!
@சிவபாலகன்
சிறந்த கவிதைகள்
புதிய படைப்புகள்
இந்த மாதம் பரிசு பெற்றவர்கள்
