கனவாகிய நினைவினில்

சின்ன மொட்டு விரிய
முன்னமே அங்கு -
சொன்ன சேதிகள்
செவிகள் கொள்ளாது
சென்றன -
மொட்டுகள் இன்னமும் ..
கனவாகிய நினைவினில் ...

தன்னை தூக்கம் கொள்ளாது,
உறவு முகம் காணாது,
சொல்லி மறைந்த சூரியன் இவன் -
இன்னமும் கனவாகிய நினைவினில்.

நேற்று வரை இருந்த கனவுகள்
கலைந்த நிலையில் - இன்று
மறந்து, நாளைக்கென்று ஒரு கனவுடன்..
இன்னமும் கனவாகிய நினைவினில்..

வார்த்தை கொள்ளவில்லை அங்கே -
வளமுறு தோற்றம் தெரியவில்லை.
நீட்டி நெடுக முழங்க ஒன்றும்
இல்லாத நிலையில் அங்கே
இன்னமும் கனவாகிய நினைவினில்..

நிஜங்களின் அழுத்தங்கள்
நிஜமாக அழுத்தவே - சுகமாய்த்
தெரிந்தது – இன்னமும்,
இன்னமும் கனவாகிய நினைவினில்...

எழுதியவர் : செல்வி விசாகுலன் (22-Jan-19, 10:48 am)
சேர்த்தது : Chelvi Visakulan
பார்வை : 91

மேலே