தலையெழுத்து மாறும்

மரியாதை
மனிதருக்கு பெருமை சேர்ப்பது,
கொடுத்த உயிரை
கடவுள் எடுத்துக் கொள்வதுபோல்
கொடுக்கும் மரியாதையையொட்டி
கிடைக்கப் பெறுவது

நல்ல மனம் உடையவரின்
நடத்தையே—அவருக்கு
மற்றவர்களிடமிருந்து
மரியாதையை பெற்றுதரும்,
தாழ்வும், உயர்வும்
தானே உருவாக்குவதுதான்

நேர்மையும்
நல்ல பண்பும்—மரியாதையை
உயர்த்தி சிறப்பிக்கும்
உற்ற நட்புகள் கூடும்
உறவுகள் பாசம் காட்டும்
உள்ளம் மகிழும், நிறையும்

அவமதிப்பை—அகத்தில்
அமரவைத்தால்
சுயமதிப்பு சுருங்கும்
சோகம் சூழும்
தனிமை படுத்தும்
தலையெழுத்து மாறும்