தென்றல்
தென்றல்
மேகங்களின் வெள்ளிக் கொலுசு மணிகளை
அவிழ்த்து விட்டுச் செல்வது யாரோ?
சிரிக்கும் பூக்களின்
நறுமணத்திற்கு சிறகுகள் பூட்டியது யாரோ?
உதிரும் சிறகுகளை சுமந்து சென்று
பத்திரமாக தரையிறக்குவது யாரோ?
பல்வண்ண பூக்களை அனிமோபீலியாக - பூமகளின்
கூந்தலில் சூடிச் செல்வது யாரோ?
கனல் விரியும் சூரியக் கதிர்களுக்கு
இதமாக முத்தமிட்டுச் செல்வது யாரோ?
தொட்டிலிலாடும் கனிகளுக்கு இனிய
கற்பனை கதைகள் கூறுவது யாரோ?
