காதலின் பிணைப்பு
காதலின் பிணைப்பு!!
*******************
வாழ்வெனும் வேள்வியின் வாசனைத் திரவியம் /
தாழ்விலா மாந்தரின் தந்திரம் ஆனந்தமே !
இல்லற வாழ்க்கையோ துறவறத் தனிமையோ
நல்லறம் யாதெனின் நயத்தகு மகிழ்ச்சியே !
தலைவனும் துணைவியும் தன்மக்கட் பேறுடன்
தொழிலொடு கலைகளும் கண்ணெனப் போற்றுமே!
உற்றவர் சுற்றமும் ஊரினர் பந்தமும் /
கற்றவர் மற்றவர் கூடிடக் களிக்குமே !
தேனின் சுவையெனத் தித்திக்கும் நாளெலாம் /
ஆனந்தம் கொண்டாடும் அன்பின் பிணைப்பிலே !
வாழ்வதும் அன்பிலே வளர்ப்பதும் பண்பிலே /
தாழ்விலாச் சந்ததி தாரணி போற்றுமே /
-யாதுமறியான்.
