சிரிக்காமல் கொல்லுகிறாரே நைனா

சிரித்தால் கவலை போகும்
கவலை பட்டால் சிரிப்பு போகும்

சிரித்தால் தெரிவது பற்கள்
சிந்தித்தால் வருவது சொற்கள்

சிரித்து சிரித்து உனது பிரச்சினையை சமாளி
அப்போது பிரச்சினைகள் என்னாகும்? ஏமாளி

சினிமாவில் சிரித்து நடிக்கப் பணம் தேவை
நிஜ வாழ்வில் சிரிக்க மனம் மட்டுமே தேவை

சிரிப்பு உனது சவால்களை சந்திக்காது
ஆனால், சவால்களை சமாளிக்க உதவும்

வெற்றியில் வரும் சிரிப்பு வெற்றிச்சிரிப்பு
தோல்வியிலும் வரும் சிரிப்பு மிகவும் சிறப்பு

அன்றாடம் சிரித்து வாழப் பழகிக்கொள்ளுங்கள்
கவலை (களையும்) கலை கற்றுக்கொள்ளுங்கள்

ஒருவரை சிரித்து மயக்கலாம்
ஒருவரை சிரித்து மேய்க்கலாம்
ஒருவரை சிரித்து ஏமாற்றலாம்
ஒருவரை சிரிக்க வைக்கலாம்
உன் சிரிப்பு எந்த வகை?
நான் நாலாவது வகை

ஜாய்ராம்