பணமே உலகம் என
பழகும் உறவுகளின்
நடுவே என்னை மட்டுமே
உலகமாய் நேசிக்கும் ஒருவன் .!

இப்படியும் ஓர் ஆணா
இவன் எனக்காக பிறந்தவனா
ஓராயிரம் கேள்விகள்
இதயத்தின் ஓரத்தில்

பேரழகி இல்லை நான்
பணமும் பொருளும் இல்லை என்னிடம்
பெற்றவர் சோதரர் என்று பெரும்
கூட்டமும் இல்லை என்னோடு

எதை நேசிக்கின்றான் என்னிடம்
இதுவரை எனக்கு புரியவில்லை

முட்கள் நிறைந்த என் பாதையில்
மலர்கள் தூவி செல்கின்றான்
கொடும் தீ என்னை எரிக்கையில்
குளிர் நீராகி என்னை நனைக்கின்றான்

என்ன தவம் செய்தேனோ
என்னவனாய் இவன் கிடைக்க

இன்னல்கள் இன்றி இனி
என்னவனோடு நானும் பறப்பேன்
காதல் வானில் .

மேலும்

இளங்காலை கதிரவனை
இதமான தென்றலை
மணம்வீசும் மலர்களை
என் மனம் கவரும் குயிலிசையை
எதையும் ரசிக்காமல் கனத்தது மனசு

தேநீரும் கசப்பான விஷமாகி
குளிர் நீரும் கானலாகி
கொல்கின்றது என்னை

கைபேசி மௌனமாகி
காத்திருக்கின்றது உன்
அழைப்பிற்காய்

விநாடி நிமிடம் மணி என
கடிகார முட்கள் கூட
மெதுவாக நகர்கின்றது உன்
வாழ்த்து இல்லாததால்

வரப்போவதில்லை என
தெரிந்தும்
வழிபார்த்து ஏங்குது
விழிகள்

அகிம்சையான என் காதலை
இம்சிக்கும் அவனிடம் இனி
மண்டியிட போவதில்லை உதடுகள்
முணுமுணுத்தன

இதயம் மட்டும் அமைதியாய் துடித்தது இன்றோடு அதன் துடிப்பு அடங்கி விடும் என்ற
நம்பிக்கையில்

மேலும்