10. குறும் (பா) - அஹமது அலி
தாவரம்
~~~~~~~~
விதையின் கூட்டை
விளையாட்டாய் உடைத்து
தா(வும்) வரம்.!
மரங்கள்
~~~~~~~~~
அடியெடுத்து வைக்க தெரியாத
மண்ணின் மடிக் குழந்தைகள்.!
மழை
~~~~~~
நீரிழை கொண்டு
மண்மேனி தைத்திடும்
சுக ஊசிகள்!
மலைகள்
~~~~~~~~~
பூமி போடும் ஆட்டத்திற்கெல்லாம்
ஓங்கி அறையப் பட்ட
ஆப்புகள்!
அருவி
~~~~~~
அள்ளி முடியா கூந்தலில்
வெள்ளித் தைலம் பூசிய
கொள்ளை அழகு!
நிலம்
~~~~~
இறைவனின் பட்டா உரிமைக்கு
மனிதன் போட்டா போட்டி
போடும் இடம்!
சாலைகள்
~~~~~~~~~~
எந்திரப் பூச்சிகளின்
தந்திரமான ஓடு பாதை!
