நினைவுகளை ஒருமுறை -தனஞ்சன்
நீ பழைய புத்தகங்களை
புரட்டிப் பார்த்ததுண்டா ?
அதன் வாசனை கொஞ்சம்
நுகர்ந்ததுண்டா?
அட்டை பக்கங்களில்
அழுக்குகளை ரசித்ததுண்டா?
அது நூலை காக்கும்
ரகசியம் அறிந்ததுண்டா?
இடை நடுவில் சிறு
கிழிஞ்சல்களை கவனித்ததுண்டா?
என்னதான் பழையதாயினும்
அர்த்தங்கள் மாறவில்லை
உணர்ந்ததுண்டா?
ஒருமுறை கொஞ்சம் புரட்டிப்பார்
வாழ்க்கையும் ஒரு புத்தகம்தான்
