மே தின வாழ்த்துக்கள்
உழவருக்கு பொங்கல்
உழைப்பாளிகளுக்கு மே தினம் ,
உழைத்து சோர்ந்த உள்ளங்களுக்கு
உன்னத திருநாள் மே தின பெருநாள் !
ஓய்வில்லாமல் உழைத்து
உழைப்பு பெருத்து ஊதியம் குறைந்து
புரட்சி நடத்திய போராளிகளுக்கு
வெற்றிகிட்டிய வெற்றி நாள் !
உடல் கருத்து மனம் சோர்ந்தவர்களுக்கு
மகிழ்ச்சி கொடுக்கும் ஓர்நாள்
முதலாளிதுவத்திருக்கு மரண நாள்
தொழிலாளிகளுக்கு பிறந்த நாள் !
உழைக்கும் வர்கத்தின் ஓய்வுநாள்
உழைப்பின் வலியை
உழைப்பின் வலிமையை
ஆழ புரிந்த அற்புத திருநாள் !
எல்லையற்ற உழைப்பு மறைந்த நாள்
எட்டு மணிநேர வேலை பிறந்த நாள்
ஏழைவர்க்கம் உழைப்பாளிகள்
ஏக்கம் மறைந்த நாள் !
முதலாளி அடக்குமுறை
ஒழிந்திட்ட நாள்
தொழிலாளர் சுதந்திரம்
பிறந்திட்ட நாள் !
மதம் மறந்து இனம் மறந்து
உழைப்பாளிகள் ஒர்கோட்டில்
இணைந்திட்ட ஓர் நாள்
உழைப்பாளர் வர்கத்தின் திருநாள் !
கைகளும் காயத்துப்போய்
மனதும் கனத்துப்போய்
வாழ்கையை வெறுத்து நிற்கும்
உழைப்பாளிகளுக்கு உதவிடுவோம் !
ஒவ்வொரு பொருளிலும்
ஒவ்வொருத்தர் உழைப்பிருக்கு
உபயோகிக்கையில் நன்றி கூர்ந்து
உழைப்பாளிகளுக்கு நன்றி சொல்வோம் !
நமக்காக உழைத்து
நாளெல்லாம் சோர்ந்து
இளைத்துப்போய் ஏழைகளாகி விட்ட
உழைப்பாளர்களை போற்றுவோம்
உழைப்பை போற்றுவோம் !
