இதுவும் உயிர்தான்
பட்ட பகலில்
அந்த காடு வெட்டி சாலையில்
அரிவாளால் வெட்ட பட்டு
பல உடல்கள்
சின்னா பின்னமாய் சிதறி
கிடக்க ...
அங்கு யாரும்
நின்று கதறி அழவில்லை...
ஒன்று இரண்டு காகங்கள்
மட்டும் ...
அந்த பிணங்களுக்கு
கண்ணீர் அஞ்சலி
செலுத்திக்கொண்டு இருந்தது
அந்த காக்கைகளுக்கு...
தெரிந்த உயிர் தருமம் கூட...
மனித ஜென்மங்களுக்கு...
புரியவில்லை ...
காரணம் ...
இங்கு பிணமாகி இருப்பது
மனிதர்கள் அல்ல...
இரண்டு வேப்ப மரம்
ஒரு அரச மரம்
ஒரு மாமரம்
ஒரு தூங்குமுஞ்சி மரம்
என ஐந்து மரங்கள்
பூமிக்கு பாரம் இல்லாமல்
நிழல்களை தொலைத்து...
உயிர் விட்டது
கொடுர அரிவாளால்
படு கொலை செய்யப்பட்ட
அந்த மரங்கள் ...
அட இது கொலை இல்லை
சொல்றீங்களா ?
பின் வேறு என்ன ?
மரமும்
சுவாசிக்கும் ஒரு உயிர் தானே ?
ஏன் புரியலை சனங்களுக்கு....
