ஹைக்கூ சென்றியு கவிஞர் இரா இரவி
ஹைக்கூ ( சென்றியு ) கவிஞர் இரா .இரவி !
கைக்கு எட்டியது
வாய்க்கு எட்டவில்லை
ஈழத் தமிழர் விடுதலை !
விதைத்தால் வளரும்
விருட்சம்
அன்பு !
நம் முதுகு
நமக்குத் தெரியும்
கண்ணாடியில் !
துன்பம் இன்பம்
இரவு பகல்
உண்டு மாற்றம் !
சொல்வதை விட
நடந்துகாட்டுவது நன்று
அறிவுரை !
பொறி தட்டும்போது
பிடித்துக்கொள்
அறிவு !
சிக்கலைத் தீர்க்கும்
சிந்தனை
சிந்தி !
கல்வியே சிறந்த செல்வம்
சரி
கல்விக்கு வேண்டும் செல்வம் !
மயங்காதவர்
உலகில் இல்லை
பாராட்டு !
.
வீட்டில் எலி
வெளியில் புலி
அரசியல்வாதிகள் !
தேர்தலுக்கு முன் ஒன்று
தேர்தலுக்குப் பின் மற்றொன்று
மாறும் கூட்டணி !
முட்டாள்கள் உள்ளவரை
அரசியல்வாதிகள் காட்டில்
என்றும் மழை !
பொய்யர்களின்
எதிரி
மறதி !
