உலகம்
மூன்று நபர்களை
கொன்றுவிட்ட புலியினை,
கொன்றுவிட்ட மகிழ்ச்சியில்
அதிரடிப்படை!!
இன்றைய செய்தியில்
கண்டதும் மகிழ்ச்சியே!
மனிதனை கொன்றது மிருகம்!
அதனால்
பழி தீர்த்துக் கொண்டான் மனிதன்!
ஒரு உயிர் என்றாலும்,
பல உயிர் என்றாலும்,
மனித உயிர் மதிப்புள்ளதே!!
மறுப்பதற்கில்லை இதையே!
மூன்றல்ல எண்ணிக்கை
பல்லாயிரம் மக்களை,
கொன்றாலும் தின்றாலும்
பழி தீர்ப்போர் இல்லையே!!
ஏனெனில்,
மனிதனை கொன்றது மனிதன்!!!
இது மனிதாபிமானமில்லா உலகம்!!!
