காலத்தின் போக்கிலே ஞாலமா
கண்ணுக்கு அழகாய் கண்டாங்கி சேலையில்
கவிழ்ந்த தலையுடன் களைமிகு முகமுடனே
நாநயம் நிறைந்த நாணம் வழியும் நங்கைகள்
நாகரீக உலகில் இன்றும் கிராமத்து பறவைகள் !
விழிகளுக்கு விருந்தாய் விதிகளுக்கு மாறாய்
வீதிகளில் அன்னநடை ஆடையில் அரைகுறை
விரசத்திலோ உச்சம் விதத்திலோ மிச்சம் மீதி
நகரத்தில் உலவிடும் நவநாகரீக மங்கைகள் !
பழமையும் புதுமையும் கூட்டணி அமைக்குது
வளமையும் வறட்சியும் தனிதனி அணியாகுது !
பெண்மைக்கு இலக்கணம் இருபிரிவாய் ஆனது
பெண்களின் பெருமையும் மறந்தே போனது !
நவீனஉலகில் நடப்பவை யாவும் நாகரீகமா
நவீனத்துவ வளர்ச்சியின் அடையாளங்களா !
காலத்தின் போக்கிலே ஞாலமும் போகுதா
காலமாய் காத்திட்ட பண்பாடும் மறையுதா !
பழனி குமார்
