அம்மா உன் கைப் பக்குவம் 001

இடுப்பு வலிக்கும் வரை 
மிளகாய் கூட்டரைத்து 
பக்குவமாய் அடுப்பில் காச்சி 
நாக்குக்கு ருசியாய் 
அன்னம் தரும் போதெல்லாம் 
அதில் எதோ குறை கூறி 
சுவைத்து உண்ணும் போது அறியவில்லை
இதுக்கும் எனக்கு தண்டனையிருக்குமென

உணவுப்பொருட்களெல்லாம் 
அலங்கரிக்கப் பட்டிருக்கும் 
கண்ணாடி பெட்டிக்குள் 
அள்ளி உண்ணும் போது 
அம்மா உன் கைப் பக்குவம் 
நினைவு வரும் 
சாதமும் 
சம்பலென்றாலும் சந்தோஷம் நிறைந்திருக்கும்
பொறுப்பு வந்தவுடன் புறப்பட்டு வந்திருக்கின்றேன்
பெரிதாய் வாழ வைக்க வேண்டும் என்ற 
கனவுகளோடு வேறு தேசத்துக்கு