சின்னஞ்சிறு கிளியே கண்ணம்மா - பாரதியார் பாடல்

சின்னஞ்சிறு கிளியே கண்ணம்மா - பாரதியார் பாடல்

பத்மினி, லலிதா, பாலையா நடித்த 'மணமகள்' (1951) திரைப்படத்தில் மகாகவி சுப்பிரமணிய பாரதியாரின் 'சின்னஞ்சிறு கிளியே' பாடலை சி.ஆர். சுப்பராமன் இசையமைக்க, எம்.எஸ். வசந்தகுமாரி, வி.என். சுந்தரம் இருவரும் ராகமாலிகையாகப் பாடியிருக்கிறார்கள்.

ராகம்: காப்பி

சின்னஞ்சிறுகிளியே, கண்ணம்மா
செல்வக் களஞ்சியமே! (சின்னஞ்சிறு)
என்னைக் கலிதீர்த்தே உலகில்
ஏற்றம் புரிய வந்தாய்! (சின்னஞ்சிறு)

பிள்ளைக்கனியமுதே, -கண்ணம்மா!
பேசும் பொற்சித்திரமே!
அள்ளியணைத்திடவே-என்முன்னே
ஆடிவருந் தேனே (சின்னஞ்சிறு)

ராகம்: மாண்டு

ஓடி வருகையிலே- கண்ணம்மா!
உள்ளம் குளிருதடீ;
ஆடித்திரிதல் கண்டால் உன்னைப்போய்
ஆவி தவிழுதடி

ராகம்: வசந்தா

உச்சிதனை முகந்தால் - கருவம்
ஓங்கி வளருதடி
மெச்சி யுனை யூரார்- புகழ்ந்தால்
மேனி சிலிர்க்குதடீ.

ராகம்: திலங்

கன்னத்தில் முத்தமிட்டால்-உள்ளந்தான்
கள்வெறி கொள்ளுதடீ
உன்னை தழுவிடிலோ- கண்ணம்மா
உன்மத்த மாகுதடீ.

ராகம்: நீலமணி

உன் கண்ணில் நீர்வழிந்தால்- என்நெஞ்சில்
உத்திரங் கொட்டுதடி;
என் கண்ணில் பாவையன்றோ? கண்ணம்மா
என்னுயிர் நின்னதன்றோ!
என் உயிர் நின்னதன்றோ!
என் உயிர் நின்னதன்றோ!