ஏன் இந்த நிலை கவிஞர் இரா இரவி
ஏன் இந்த நிலை ? கவிஞர் இரா .இரவி !
வறட்சியின் பொது தூர் வாரி இருந்தால்
வளமாக தண்ணீர் தேங்கி இருக்கும் !
தூர் வார மறந்திட்ட காரணத்தால்
துர் மரணங்கள் நேர்ந்தது சோகம் !
மழைநீர் சேகரிப்பு வீடுகளுக்கு மட்டுமல்ல
மடை ஓடை கண்மாய்களும் சேமிக்கட்டும் !
தண்ணீர் வரும் வழியில் வீடு கட்டலாமா ?
தண்ணீர் வந்தால் தவிக்க நேரிடும் உணரலியே !
மழை இல்லை என்று வேண்டியது போய்
மழையே நில் என்று வேண்டும்படி ஆனது !
தண்ணீரின் அவசியத்தை தமிழகம் உணரவில்லை
தண்ணீரை வீணாய் கடலில் கலக்க விட்டோம் !
அண்டை மாநிலங்களிடம் கையேந்தி ஏமாந்தும்
அறியவில்லை தண்ணீரின் பயனை !
.
வெள்ளமாக வந்த தண்ணீரை சேமித்து இருந்தால்
வறட்சி வராமல் வளமாக வாழ்ந்திருக்கலாம் !
மழைத்துளி என்பது உயிர்த்துளி படித்திருந்தும்
மழைநீரை காக்காமல் அலட்சியம் செய்தோம் !
கைஇருப்புப் பணத்தை ஊதாரியாக செலவழித்து விட்டு
கையேந்திப் பிச்சை எடுபதைப் போலவே !
வந்த மாமழையை கடலுக்கு அனுப்பி விட்டு
வருமாண்டில் கையேந்த வேண்டும் கல் நெஞ்சத்தாரிடம் !
